2ª Xornada de L’Arribada en Villaviciosa

El viernes cellébrase la 2º Xornada de L’Arribada 2010 en Villaviciosa. La primer xornada d’esti añu ficiérase’l pasáu 21 de mayu.

Les actividaes entámales l’ Asociación Cultural L’Arribada a comuña cola asociación maliaya La Compaña del Ronchel y desárrollense nel Teatru Riera, cuntando cola collaboración del Ayuntamientu Villaviciosa.

El programa ye’l que sigue:

19.00 hores: L’especial de Navidá paramilitar de Lobo – curtiumetraxe (subtituláu n’asturianu) – 14 minutos

19.15: Mesa redonda sobre zombies na lliteratura y el so treslléu al cine, cola participación de Jesús Parrado, Alberto Álvarez Peña ya Illán Gonzali.

20.00: La nueche de los muertos vivientes (Night of the living dead) – llargumetraxe (dobláu al asturianu)

L’especial de Navidá paramilitar de Lobo

Ye una película realizada por estudiantes del American Film Institute, basada nel cómic Especial Navidad Paramilitar, protagonizada por Andrew Bryniarski. Lobo ye un personaxe de DC COMICS.

La nueche de los muertos vivientes (Night of the living dead) –

Ye la primer película de llarga duración doblaba al asturianu. Estrenóse’l 25 de setiembre en Xixón, durante la Vagamar de L’Arribada 2010. Proyectóse después en Corvera y en Colunga.

Esti doblaxe ye un proyectu de Gonzali Producciones, fechu cola intención de llograr un llinguaxe cinematográficu inspiráu nel espíritu de la versión orixinal.

‘Night of the living dead’ ye una película del añu 1968, dirixida por George A. Romero, y ta considerada un clásicu del cine universal que dio aniciu al subxéneru de cine de zombies talu como lu conocemos anguañu.

Deja un comentario

Tu dirección de correo electrónico no será publicada. Los campos obligatorios están marcados con *