Mieres Conciertos 2019: L-R
L-R ye un dúu formáu por Leticia González (voz y percusión) y Rubén Bada (guitarres eléctriques) que reinterpreta la música tradicional asturiana cola fusión d’instrumentos estremaos como la pandereta y la guitarra eléctrica. L’oxetivu de L-R ye facer una llectura personal de la música asturiana calteniendo los ritmos tradicionales pal baille pero amestando otros soníos averaos al blues, el jazz o el rock. El resultáu ye una mecigaya qu’ellos mesmos nomen post-folk.
Rubén Bada ye ún de los músicos folk más valoráu internacionalmente. Vigulineru, guitarrista y conocíu más que nada por tocar el bouzouki. Foi parte de grupos como Xéliba, Corquieu, N´Arba, Dixebra, andechando cola Banda Gaites Llacín, Mari Luz Cristobal Caunedo, DRD o Tejedor. Anguañu forma parte de los grupos L-R, Aú?, Alce y Navaya, Alfredo González y trabaya habitualmente cola Banda Gaitas el Trasno de Cuaña. Destaca el so llabor col grupu irlandés At First Light, el gaiteru John McSherry, el gaiteru Anxo Lorenzo o el irlandés Barry Kerr. Tamién apaez nel primer discu en solitariu de Sylvain Barou. Ente los sos reconocimientos, Rubén ganó el primer premiu nel concursu de pareyes instrumentales del «Muséu del pueblu d’Asturies» y ten un premiu «Amas» de la crítica musical asturiana como meyor instumentsta.
Leticia González ye panderetera y ten abonda esperencia nel ámbitu del folclore asturianu. Formó parte de colectivos d’ investigación etnográfca y de cultura tradicional d’ ente los que destaquen el Conceyu de Cultura Tradicional Vezos Astures. Tamién fundó otres formaciones de música asturiana como Menaxatruá o Trovando Trío. Collaboró actvamente con agrupaciones como Xeitu y trabayó cola Asociación de Música Tradicional Muyeres hasta 2016, siendo parte del so equipu directvu. Uno de los sos oxetivos ye averar la pandereta asturiana a otros estilos musicales al traviés de collaboración con formaciones como Lorena Álvarez, Pablo und Destruktion o Losone.
Reserva de entradas en la conserjería de la casa de la Cultura o en el tfno. 985 45 19 53. Recogida de entradas reservadas en la taquilla de la Casa de la Cultura, el mismo día del concierto, a partir de las 18:00h.
